Месси "Интер Майами"ни Чемпионлар лигасига олиб чиқди! Бунақаси клуб тарихида бўлмаган
- 16-август 2023, 15:29
- Baxtiyorjon Toshtemirov
- 0
- Футбол
Лионель Месси бошчилигидаги “Интер Майами” ўз тарихида илк бор Шимолий Америка Чемпионлар лигасида иштирок этади.
Эслатиб ўтамиз, бугун "Интер Майами" ва "Нашвилл" Лига кубоги финалига чиқди.
Лига кубоги клублар ўртасидаги турнир бўлиб, унда АҚШ ва Мексика жамоалари ўйнайди. Бу йилдан бошлаб у КОНКАКАФ ҳомийлигида расмий мусобақага айланди. Лига кубогининг энг яхши учта жамоаси автоматик равишда 2024 йилги КОНКАКАФ Чемпионлар Кубогида (аввал Чемпионлар Лигаси номи билан аталган) иштирок этиш ҳуқуқини қўлга киритади.
"Интер Майами" ҳам, "Нашвилл" ҳам ушбу турнирда илк бор ўйнайди. Улар мусобақани айнан қайси босқичдан бошлаши 20 август куни бўлиб ўтадиган Лига кубоги финали натижасига боғлиқ бўлади. Ғолиб тўғридан-тўғри 1/8 финалга йўл олади.
Учинчи ўрин учун кечадиган “Филаделфия Юнион” ва “Монтеррей” жамоалари ўртасидаги учрашув ғолиби эса КОНКАКАФ Чемпионлар Кубогига учинчи йўлланмани қўлга киритади.