Месси ҳам, Роналду ҳам эмас! Роналдиньо ҳозир энг зўр футболчи кимлигини айтди

2005 йилги “Олтин тўп” соҳиби Роналдиньо айни пайтда жаҳон футболида энг кучли ўйинчи ким экани ҳақида фикр билдириб, “Реал” ва Франция терма жамоаси ҳужумчиси Килиан Мбаппенинг номини тилга олди.

- Мбаппе – ҳозирги пайтда менга ёқадиган энг зўр замонавий футболчилардан бири. Мен унинг майдондан ташқаридаги фаолиятини ҳам ҳурмат қиламан.

Килиан зўр дўст. ПСЖдан кетганимиздаги тақдирларимиз ўхшаш, фақат клубларимиз бошқа-бошқа.

“Реал”да Мбаппе янада кўпроқ ривожланиши ва ҳозиргача эриша олмаган муҳим нарсаларни қўлга киритиш имкониятига эга, - деди Роналдиньо.

Мбаппе узоқ муддат ўз юртида “Монако” ва “Пари Сен-Жермен” жамоалари шарафини ҳимоя қилди. Ўтган йили ёзда илк бор хориж чемпионатига йўл олиб, эркин агент сифатида “Реал”га кўчиб ўтди ва мадридликлар билан 2029 йилнинг ёрмигача давом этадиган шартнома имзолади.