Месси: "Гвардиола "Барселона"да ишлагани бизнинг омадимиз"

"Барселона" афсонаси, айни дамда Американинг "Интер Майами" жамоасида тўп сураётган Лионель Месси Англиянинг "Манчестер Сити" клубини бошқараётган собиқ устози Хосеп Гвардиолага юқори баҳо берди. Испаниялик мутахассис қўл остида аргентиналик футболчи фаолиятини Каталония клубида бошлаган.

"Мен учун Гвардиола ноёб. Ниҳоятда яхши мураббийлар бор, лекин унда қандайдир ўзига хослик бор. Мен учун у ҳаммадан яхши. Вазиятни кўриш, ўйинга тайёргарлик кўриш, футболчилар билан мулоқот қилиш борасида у жуда яхши. У энг зўри ва унинг "Барселона"да ишлагани бизнинг омадимиз. У футболчилар билан бирлашди ва у режалаштирган барча режалари бизнинг натижаларимизда идеал акс этди", - дея Мессининг сўзларини келтирди ESPN.

Месси "Барселона"да 17 мавсум ўйнаган. У клуб сафида 778 та ўйинда у 672 та гол урди ва 35 та совринни қўлга киритди. Гвардиола каталонияликлар бош мураббийи сифатида тўрт йил (2008-2012) ишлаган ва бу вақт ичида клуб рекорд даражадаги 14 совринни қўлга киритган.