Мэнни Пакьяонинг ўғли дебют жангида ғалаба қозона олмади

Олти дивизион бўйича собиқ жаҳон чемпиони Мэнни Пакьяонинг ўғли Жимуэль Пакьяо профессионал боксдаги дастлабки жангида ғалаба қозона олмади. Унинг дебютант Брендон Лалли билан тўқнашуви дуранг билан якунланди.

"Рингда босимни ҳис қилиб турдим. Ҳаёлимда яхши ишлашим керак, деган ўйлар ўтди. Шу боис ўзим истагандек жанг қилолмадим. Бироқ бу менга катта тажриба бўлди, рақибимга ҳам катта раҳмат!”, - деди кичик Пакьяо "The Boxing" га берган интервьюсида. 

Эслатиб ўтамиз, Мэнни Пакьяо 2025 йилнинг 20 июль куни Марио Барриос билан кураш олиб бориб, дуранг натижа қайд этган эди.