“Реал” ҳужумкор футболчиси Эден Азар январь ойида жамоасини ўзгартирмоқчи. Яқинда бу футболчи аввалгидек юқори спорт формасига қайта олмаслигини тан олганди.
Қатардаги жаҳон чемпионатида ҳам Эден Азар ўз ўйини билан яхши таассурот қолдира олмади. Бельгия терма жамоаси кучли таркибга эга бўлганига қарамай, турнирни эрта тарк этди.
Азарнинг ўзи чемпионатнинг гуруҳ баҳсиларида бирорта самарали ҳаракатни амалга оширгани йўқ.
“Реал” бош мураббийи Карло Анчелотти ҳам ўтган мавсум тажрибали футболчига имкон беришга ҳаракат қилган эди. Бироқ, Азар италиялик мураббийнинг ҳам ишончини қозона олмади. Ҳозирча, бирор жамоа бельгиялик юлуз хизматига қизиқиш билдираётгани йўқ.
Изоҳлар (0)
Ҳозирча изоҳлар йўқ