Мен Месси ва Роналдудек зўр эдим...
- 11-июн 2022, 20:33
- Zohir Toshxo’jayev
- 0
- Футбол
Нидерландия терма жамоасининг собиқ футболчиси Уэсли Снейдер ўз даврида Лионель Месси ва Криштиану Роналду даражасига чиқиш имкони бўлганини таъкидлади.
- Мен Месси ва Роналдудек юлдузга айланишим мумкин эди. Лекин буни истамадим. Мен ҳаётимдан лаззат олиб, хотиржам яшашни истадим. Лео ва Криш бошқача, улар ўз муваффақияти учун кўп нарсани қурбон қилди.
Шунга қарамай, мени ҳаммаси қониқтиради, фаолиятим жуда ёрқин бўлган, - деди Уэсли Снейдер.
Нидерландиялик футболчи “Аякс”, “Реал”, “Интер”, “Галатасарай”, “Ницца” ва “Ал-Гарафа” жамоаларида тўп тепган. Фаолияти давомида жами 573 та учрашувда 152 та гол ва 145 та ассист муаллифи бўлган.
Шунингдек, Снейдер Нидерландия терма жамоасида энг кўп ўйин ўтказган футболчи ҳисобланади. У мамлакати бош жамоасида134 марта майдонга тушиб, рақиблар дарвозасини 31 марта ишғол қилган.