Мбёмо: "Ҳар биримиз натижалар учун масъулиятни ўз зиммамизга олишимиз керак"

"Манчестер Юнайтед" футболчиси Брайан Мбёмо "Брентфорд"га қарши АПЛнинг 6-тури учрашувидаги мағлубият (1:3) ҳақида фикр билдирди.

"Албатта, натижадан ранжидим, лекин мухлислар мени илиқ кутиб олишди ва мен буни ҳеч қачон унутмайман.

Менимча, жамоада ҳар бир футболчи ўз зиммасига масъулият олиши керак.

Катта клубда ўйнаётганда ҳар ким нима қилишини билиши шарт. Биз жамоа сифатида яхшироқ ўйнашимиз зарур", – дея таъриф бериб ўтди "қизил иблислар" янги футболчиси.