Мбаппе Ҳабиб Нурмагомедовга махсус совға берди

Яқинда Бирлашган Араб Амирликларида “Спартак” жамоаси йиғинида қатнашиб, Остон Ўрунов билан бир жамоада тўп тепган Ҳабиб Нурмагомедов Чемпионлар лигаси доирасида “Барселона” ва ПСЖ ўртасидаги учрашувни бевосита стадиондан томоша қилди.

Ушбу баҳс олдидан россиялик жанг санъатлари устаси парижликларга мухлис қилишини билдирганди. Учрашувда хет-трикка эришиб, жамоасининг 4:1 ҳисобидаги ғалабасини таъминлаган Килиан Мбаппе машҳур спортчига ўзига хос тарзда миннатдорлик билдирди. Ушбу баҳсдан сўнг, Ҳабиб Мбаппе унга совға қилган дастхат туширилган футболканинг суратини ижтимоий тармоқларга жойлади.

“Хет-трик билан табриклайман, айниқса, “Барселона” дарвозасига”, - деб ёзди Ҳабиб Нурмагомедов.

Шунингдек, Ҳабиб парижликларнинг тажрибали дарвозабони Кейлор Навас билан ҳам эсдалик учун суратга тушди.