Майкл Оуэн янги мавсумда АПЛдаги асосий даъвогарларни айтди

Англия терма жамоасининг собиқ футболчиси Майкл Оуэн янги мавсум Англия Премьер-лигасида чемпионликка энг катта имкониятга эга жамоалар ҳақида фикр билдирди.

"Ливерпуль" ўтган мавсумда жуда кучли ўйнади. Улар охирги 4 ўйинда фақат 2 очко тўплаган бўлса-да, барибир 10 очколик фарқ билан чемпионликни қўлга киритишди. Бу ўйинларда жамоа катта ҳаракат қилмаганди" — деди Оуэн "talkSPORT" эфирида.

Оуэн ёзги трансферлардан қаттиқ таассурот олганини ва янги мавсумда "Ливерпуль" яна шу каби устунлик билан чемпионликка етиши мумкинлигини айтди.

Унинг фикрича, бошқа асосий рақиблар — "Арсенал" ва "Челси". "Канонирлар" трансфер бозорида яхши иш олиб боришди, "Челси" эса формага кириб, Клублар ўртасидаги жаҳон чемпионатида ғолиб чиқди.