Машҳур агент “Манчестер Сити” юлдузини олиб кетмоқчи
- 19-июл 2025, 16:23
- Zohir Toshxo’jayev
- 0
- Футбол
“Манчестер Сити”нинг португалиялик ҳужумкор футболчиси Бернарду Силва келажаги борасида муҳим қарор қабул қилишига тўғри келади.
Football Insider нашрининг ёзишича, машҳур агент Жорже Мендеш 30 ёшли ўйинчига янги иш жойи топиш мақсадида бир неча клублар билан музокара олиб бормоқда.
Манбага кўра, “шаҳарликлар” португалиялик чарм тўп устасига ҳали янги битим таклиф қилмаган. Силванинг амалдаги шартномаси келаси ёз якунланади. Шуни инобатга олган ҳолда, Жорже Мендеш Бернарду Силвани мавсум тугаганидан кейин эркин агент сифатида таркибга қўшадиган ва ўйин амалиётини кафолатлайдиган жамоани ҳозирдан топиб қўймоқчи.
Бернарду Силва 2017 йилдан бери Хосеп Гвардиола қўл остида тўп тепиб келади. “Шаҳарликлар” бу ёз уни сотмоқчи эмас.
Якунланган мавсумда Бернарду Силва барча турнирларда 52 та учрашувда қатнашиб, рақиблар дарвозасини олти маротаба ишғол қилди ва жамоадошларига бешта голли пас узатди.