Машарипов, Шукуров ва Эсанов иштирокида баҳслар якунланди. Натижалар қандай бўлди?

Эрон Про-Лигасининг 8-туридан ўрин олган "Истиқлол" - "Зоб Аҳан" беллашуви якунланди. 

Меҳмонлар Алиярининг дубли ва Латифининг голлари эвазига йирик 0:3 ҳисобида ғалаба қозонди.

Ўйинни захирадан бошлаган Машарипов 55-дақиқада майдонга туширилди.

Саудия Арабистони чемпионатининг 7-тури доирасида ўтказилган "Ал-Ҳилол" - "Ал-Файҳа" баҳси ҳам ўз ниҳоясига етди.

Баҳсда мезбонлар 3:0 ҳисобидаги ишончли ғалабани қўлга киритди. Голлар Ал-Қаҳтани, Ал-Довсари ва Леонардо томонидан киритилди.

Баҳсни асосий таркибда бошлаган Шукуров 76-дақиқада захирага олинди.

Россия Премьер-лигаси 12-турида "Акрон" ўз майдонида "Зенит"ни қабул қилди.

Голларга бой ўтган мазкур баҳсда меҳмонлар рақиб дарвозасига жавобсиз 5 та гол киритишди.

Шерзод Эсанов эса захирада қолдирилди.