"Марокаш эртаги" ярим финалда тугади. Франция иккинчи финалчи!

Жаҳон чемпионати ярим финал босқичидан ўрин олган Франция ва Марокаш терма жамоалари ўртасидаги ўйин ниҳоясига етди. Мазкур баҳсда французлар 2:0 ҳисобида зафар қучиб, финалга йўл олди.

Беллашувнинг 4-дақиқасида Тео Эрнандес ҳисобни очди. 79-дақиқада Килиан Мбаппенинг ажойиб ҳаракатларидан кейин Коло-Муани дарвозани ишғол қилди. 

Аргентина – Франция ўртасидаги финал 18 декабрь куни бўлиб ўтади.