Марадона нега доим иккита соат таққан? Бу сирни Роналдо очди

Диего Марадона доим иккала қўлида соат тақиб юрган. Бунинг сабабини кўпчилик билмайди. Аргентиналик марҳум футболчи билан дўстона муносабатда бўлган Роналдо бу сирни очди.

- Диего футболга катта мерос қолдирди. Оламдан ўтганини ҳазм қилиш қийин бўляпти. У кўп одамларнинг ҳаёт тарзини ўзгартирган. У мени илҳомлантиргани учун бир умр миннатдорман.

Бир марта Марадона Мадридга келганидан бирга овқатланган эдик. У ҳар доим иккита соат тақарди. Диего бу соатларни ҳеч ечмаслигини кўп гапиришарди. Мен ундан нега иккита қўлига соат тақиб олганини сўрадим. У бу соатлар қизларидан совға эканини ва шунинг учун ҳам доим қўлида эканини айтди, - деди Роналдо.