Мане Европанинг бошқа супер клубига ўтиши мумкин

"Бавария" "Ливерпуль" ҳужумчиси Садио Манега қизиқиш билдирмоқда. Бу ҳақда Sky Sport Deutschland нашри хабар бермоқда.

Манбанинг хабарига кўра, немис гранди ёзги трансферлар даврида сенегаллик футболчини сотиб олмоқчи. “Бавария”нинг спорт директори Хасан Салиҳамижич ҳужумчининг агенти билан аллақачон учрашган. Мюнхенликлар Манени арзонроқ суммага қўлга киритишга умид қилишмоқда, чунки унинг "Ливерпуль" билан шартномаси 2023 йилнинг ёзида тугайди.

30 ёшли Мане жорий мавсум “Ливерпуль” сафида барча турнирларда 46 та ўйинда майдонга тушиб, 20 та гол урди ва 4 та голга ассистентлик қилди.