Манчестерликлар 100 миллион фунтлик трансфердан воз кечди
- 3-январ, 19:43
- Zohir Toshxo’jayev
- 0
- Футбол
Англия Премьер-лигасидаги мавқеини мустаҳкамлашга уринаётган “Манчестер Юнайтед” кейинги пайтда жамоа таркибини янги ижрочилар билан мунтазам кучайтириб боришга уриняпти.
Хусусан, Рубен Аморим анчадан бери ўз шогирдлари орасда “Брайтон”нинг 22 ёшли таянч ярим ҳимоячиси Карлос Балебани кўришни истаётган эди.
TEAMtalk нашрининг хабар беришича, клуб раҳбарияти бу трансфердан воз кечишга қарор қилди.
Манба маълумотларига кўра, “Брайтон” камерунлик футболчини 100 миллион фунт стерлингга (тақрибан 115 миллион) баҳоламоқда. Аммо харидор клуб мутахассислари Балебанинг ҳозирги ўйини бу қадар юқори нархни оқламайди, деган хулосага келган.
Қайд этилишича, “Брайтон” савдо жараёнида нархни пасайтириш ниятида эмас ва янги таклифларни кутишга тайёр.
Жорий мавсумда Балеба барча мусобақаларда 19 та ўйинда иштирок этди, аммо самарали натижа кўрсатгани йўқ. Унинг клуб билан шартномаси 2028 йил ёзигача амал қилади. Transfermarkt маълумотларига кўра, футболчининг бозор қиймати 60 миллион еврога тенг.