"Манчестер Юнайтед" қайси позицияга футболчи сотиб олиши аниқ бўлди

"Манчестер Юнайтед" янги трансферлар ёрдамида таркибнинг марказий ҳудудларини кучайтиришни режалаштирмоқда. 

"Қизил иблислар" қишда фаоллик кўрсатмоқчи эмас, сабаби клуб ёзда катта маблағ сарфлади. Аммо МЮ бир қатор футболчиларнинг шартномаси якунланиши фонида уларнинг ўринларини янги футболчилар билан тўлдириши табиий. Маълум бўлишича, клуб Каземиро билан шартномасини узайтирмайди, бу эса, "Юнайтед"га катта маош олувчи футболчилар сонини камайишига қўл келади. Манчестерликлар қизиқаётган таянч ярим ҳимоячилари орасида "Брайтон" футболчиси Карлос Балеба ва "Ноттингем Форест" аъзоси Эллиот Андерсон бор.

Маълумот учун, "Манчестер Юнайтед" жорий мавсум АПЛда 7-турдан сўнг, 10 очко билан ўнинчи ўринни банд этиб турибди.