“Манчестер Юнайтед” Антонини тарихга муҳрлади

“Манчестер Юнайтед”нинг янги ҳужумчиси Антони жаҳон футболидаги энг қиммат бразилиялик футболчилар учлигидан жой олди.

22 ёшли футболчи учун манчестерликлар “Аякс”га 100 миллион евро тўлайди. Шу суммадан 95 миллион евронинг тўланишини кафолатланган. Қолган беш миллион евро бонус сифатида берилади.

Трансферларга ихтисослашган transfermarkt портали маълумотига кўра, Антонидан фақат икки ҳамюрти – Неймар ва Филиппе Коутиньо қимматроқ нархга трансфер қилинган.

ПСЖ Неймар учун “Барселона”га 222 миллион евро тўлаган ва бу кўрсаткич жаҳон рекорди ҳисобланади. Ўз навбатида, Каталония клуби Коутиньо учун “Ливерпуль”га 135 миллион евро берган.