“Манчестер Сити”нинг яна бир юлдузи Италияга кетиши кутиляпти
- 22-сентябр 2025, 15:45
- Zohir Toshxo’jayev
- 0
- Футбол
“Манчестер Сити” сардори Бернарду Силва келажаги борасида бир қарорга келиши талаб этилади. Португалиялик юлдуз 2017 йилдан бери жамоа шарафини ҳимоя қилиб келади.
Силванинг амалдаги шартномаси ёзда тугайди. Клуб яқингача унга янги шартнома бермоқчи эмас эди. Бироқ бош мураббий Хосеп Гвардиола ёзда Бернардуга сардорлик вазифасини юклади ва айни пайтда клуб 31 ёшли футболчини таркибда олиб қолиш борасида бош қотиряпти.
Шунга қарамай, Силвага харидорлар чиқа бошлади. Tuttosport нашрининг ёзишича, “Ювентус” келаси ёз ҳужумкор футболчини эркин агент мақомида ўз таркибига қўшиб олмоқчи.
Бунинг учун Турин суперклуби мутасаддилари ФИФА қоидасига таянган ҳолда Бернарду Силва билан январь ойидаёқ музокара бошлашга тайёргарлик кўрмоқда.
Бернарду Силва Хосеп Гвардиола қўл остида клублар миқёсидаги барча нуфузли совринлар, жумладан, Англия Премьер-лигаси чемпионлиги, Англия кубоги ва Европа Чемпионлар лигаси ғолиблигини қўлга киритган.