"Манчестер Сити" яна Пакета вариантига қайтди!

Гвардиола бошқарувидаги "Манчестер Сити" ярим ҳимояни кучайтириш мақсадида "Вест Хэм" футболчиси Лукас Пакетага яна қизиқиш билдирмоқда.

"Globo Esporte" нашрининг берган хабарларига кўра, “шаҳарликлар” 27 ёшли бразилиялик ярим химоячидан пул тикиш бўйича айбловлар олиб ташалгандан кейин унинг номзодига яна қайтиши мумкин. "Сити" Пакета трансфери учун "болғачилар"га 68 миллион евро атрофида пул таклиф қилишни режалаштирмоқда.

Эслатиб ўтамиз, Гвардиола жамоаси олдин ҳам Лукасга қизиқиш билдирганди, бироқ бразилиялик футболчи ўйинларга пул тикишда айблангани сабабли трансфер амалга ошмаганди.

Маълумот учун, Пакета ўтган мавсум лондонликлар сафида 36 та ўйинда майдонга тушиб, 5 та гол киритган.