“Манчестер Сити” ҳамкор клубдан норози ва футболчисини олиб қўяди
- 2-феврал, 18:20
- Zohir Toshxo’jayev
- 0
- Футбол
“Манчестер Сити” раҳбарияти асосий таркибдан четда қолаётган бир неча ўйинчини бошқа клубларга ижарага бериб юборган эди. Ана шундай ёш иқтидорлардан бири Сверр Нюпан “Мидлсбро”га жўнатилганди.
Манчестер клуби мутасаддилари 19 ёшли футболчининг ҳолатидан норози. Чунки Сверр Нюпан Чемпионшипнинг атиги учта учрашувида бошланғич таркибда майдонга тушди. Ўсиши кутилаётган ўйинчининг захирада қолиб кетиши “шаҳарликлар”ни қониқтирмайди.
Журналист Саймон Байковски маълумотига кўра, “Манчестер Сити” яқин кунларда норвегиялик футболчини ортга чақириб олиши кутиляпти.
Сверр Нюпан ўтган ёзда Норвегиянинг “Русенборг” клубидан “Манчестер Сити”га олиб келинган эди. Иқтидорли ярим ҳимоячининг трансфери АПЛ грандига 15 миллион еврога тушган. Футболчининг шартномаси 2030 йил ўртасигача амал қилади.