"Манчестер Сити" Гехи учун курашга қўшилди

Ўтган ёзда "Кристал Пэлас"ни тарк эта олмаган марказий ҳимоячи Марк Гехи Европанинг кўплаб нуфузли клублари эътиборини тортмоқда.

"Star on Sunday" нашрининг хабар беришича, футболчига янги даъвогар сифатида "Манчестер Сити" курашга қўшилди. Энди жамоа "Ливерпуль", "Бавария", "Барселона" ва "Реал Мадрид" каби жамоалар билан Гехини қўлга киритиш учун курашиши керак бўлади.

Бу жанг январда, қишки трансферлар ойнаси очилиши билан бошланади. Жорий мавсумда 25 ёшли ҳимоячи барча мусобақаларда олтита ўйинда иштирок этиб, бир марта рақиб дарвозасини ишғол қилишга муваффақ бўлди. Transfermarkt сайтининг маълумотларига кўра, футболчининг трансфер нархи 45 миллион еврони ташкил этади.