"Манчестер Сити" футболчиси уйига қайтмоқда, аммо муаммо бор..

"Байер" "Манчестер Сити" футболчиси  Клаудио Эчеверри билан ижара шартномасини бекор қилганини маълум қилди.

Инсайдер Фабрицио Романо хабар беришича, аргентиналик футболчи Англияга қайтади, бироқ "шаҳарликлар" устози Гвардиола унга жамоада жой йўқлигини маълум қилган. "Сити" раҳбарияти ҳозирда ярим ҳимоячини бошқа жамоага ижарага бериш масаласини кўриб чиқмоқда. Айни вақтда футболчига  "Ривер Плейт" ва "Жирона" жамаоалари даъвогарлик қиляпти. 

Маълумот учун, 19 ёшли хавбек жорий мавсум ижара асосида "Байер" сафида 12 та учрашувда майдонга тушиб, 1 та гол ва 1 та голли узатмани ўз номига ёздириб қўйди.