“Манчестер Сити” Семеньо туфайли бир ўйинчи билан хайрлашадиган бўлди
- 14-январ, 19:51
- Zohir Toshxo’jayev
- 0
- Футбол
“Манчестер Сити” раҳбарияти жамоа таркибини ўзгартиришда давом этмоқда. Январь ойидаёқ катта трансфер амалга оширилиб, Англия Премьер-лигаси тўпурарларидан Антуан Семеньо Хосеп Гвардиола ихтиёрига келди.
Бу трансфер “шаҳарликлар”нинг иқтидорли ўйинчиси Оскар Боббнинг клубдаги келажагига таъсир қилди. Норвегиялик футболчи етарли ўйин амалиётига эга бўлиш учун “Сити”ни тарк этадиган бўлди.
Бу ҳақда инсайдер Флориан Плеттенберг ижтимоий тармоқлар орқали хабар берди.
Журналист маълумотига кўра, 22 ёшли футболчининг кейинги манзили Германия чемпионати бўлиши кутилмоқда. Оскар Бобб атрофидаги вазиятни Дортмунднинг “Боруссия” клуби жиддий кузатмоқда ва имкон туғилишига бу транферга қўл урмоқчи.
Боббнинг бугунги кундаги бозор қиймати 25 миллион еврога баҳоланган. Амалдаги шартномаси 2029 йилнинг ёзигача тузилган.