Манчестер қизил рангда!

Англия Премьер-лигаси 27-туридан ўрин олган "Манчестер Сити" - "Манчестер Юнайтед" учрашуви ўз якунига етди. Унда меҳмонлар 2:0 ҳисобида зафар қучди.

Дастлаб, 2-дақиқада Бруну Фернандеш учрашувда ҳисобни очди. Марсьялга нисбатан ишлатилган қўполлик натижасида бош ҳакам Энтони Тейлор мезбонлар дарвозаси томон пенальти белгилади. Тўп қаршисига келган португалиялик мўлжалда адашмади. Кейинчалик Люк Шоу ажойиб рейд уюштириб, якуний зарбаси билан ҳисобни ишончли кўринишга келтирди.

Шу тариқа, дербида ғалаба қозонган "қизил иблислар" очколари сонини 54 тага етказиб олган ҳолда, иккинчи ўринга қайтди. Имкониятни бой берган "Сити" 65 очкоси билан ҳамон пешқадам.

{online}3411614{/online}