Манба: "Рома" футболчиси бошқа жамоага ўтди

“Аякс” дарвозабони Андре Онана ва “Рома” ярим ҳимоячиси Генрих Мхитарян “Интер”га кўчиб ўтди, дея хабар беради А Серия расмий сайти.

26 ёшли камерунлик ва 33 ёшли арманистонлик миланликлар сафига эркин агент сифатида қўшилишди. “Интер” футболчиларнинг трансфери ҳақида ҳали расман эълон қилгани йўқ.

Ўтган мавсумда Онана "Аякс" таркибида 10 та ўйинда майдонга тушиб, 12 та гол ўтказиб юборган. Мхитарян эса “Рома” сафида 44 та ўйинда майдонга тушиб, ўз ҳисобига 5 гол ва 9 та ассистни ёздириб қўйган.