Макс Холлоуэй: “Чарльз Оливейра билан реваншимизни ҳамма кўришни хоҳлайди”
- 1-ноябр 2025, 10:45
- Ahmadbek Eshmatov
- 0
- MMA
33 ёшли BMF камари соҳиби Макс Холлоуэй 35 ёшли бразилиялик Чарльз Оливейра билан реванш ўтказишга тайёрлигини айтди.
“Оливейра билан реванш — бу мен хоҳлайдиган жанг. Бу тўқнашувни кўришни кўпчилик истайди. Бизнинг ўзаро тарихимиз бор. Ҳозирги UFC рўйхатида BMF камари учун муносиб рақиблар кўп эмас, лекин Чарльз — ўша қисқа рўйхатдаги исмлардан бири. У ҳар сафар бизнинг биринчи жангимизни эсласа, мағлубиятини жароҳат билан изоҳлайди. Демак, келинг, бу масалага нуқта қўяйлик. Оливейра илгари буюк ишларни қилган, чемпион бўлган. Агар мен яна енгил вазн топ-5 жангчисини мағлуб қилсам, бу мени чемпионлик жангига янада яқинлаштиради — бу менинг асосий мақсадим”, — деди америкалик "Yaxoo Sports" га берган интервьюсида.
Эслатиб ўтамиз, Холлоуэй ва Оливейра ўртасидаги дастлабки қарама-қаршилик 2015 йил 23 август куни бўлиб ўтган ва унда Макс 1-раундда техник нокаут эвазига ғалаба қозонган.