Макс Ферстаппен: "Ямал "Олтин тўп"ни яқин йилларда қўлга киритади"

"Формула-1"нинг машҳур пойгачиси Макс Ферстаппен Испания терма жамоаси ва Каталониянинг "Барселона" клуби 18 ёшли ҳужумчиси Ламин Ямалнинг ўйин даражаси ҳақида фикр билдирди.

- Ямалнинг ўз ёшида қандай ўйнаётгани ростдан ҳам ҳайратланарли. Месси ва Роналдудан сўнг "Олтин тўп"га аниқ даъвогар йўқ. Бошқалардан сезиларли даражада устун бўлган футболчини айтолмайман. Бироқ, ишончим комилки, Ламин бу мукофотни яқин йилларда қўлга киритади, - дея пойгачининг сўзларини келтирди "Mundo Deportivo" нашри.

Испания чемпионатининг жорий мавсумида Ямал "кўк-анорранглилар" сафида учта ўйин ўтказди. Қанот ҳужумчиси иккита гол урди ва иккита голли узатмани амалга оширди.