Макгрегорнинг дўсти: "Конорни яна Хабиб Нурмагомедовга қарши қўйинг ва кейин нима бўлишини ўзингиз кўрасиз!"

MisFits лигасининг ярим оғир вазн тоифасидаги чемпиони Диллон Денис ирландиялик Конор Макгрегор ва россиялик Хабиб Нурмагомедов ўртасидаги машҳур жанг ҳақида фикр билдирди. 

You Tube даги жонли эфир чоғида Деметриус Жонсон Денисга мурожаат қилиб:

"Сен ўша кечаси Хабибни урмагансан — Нурмагомедов дўстингни бўғиб енгди, сен эса фақат томоша қилиб ўтирдинг", — деди.

Бунга жавобан Диллон шундай деди:

"Мен  Хабибга бир неча зарбалар берганман, хавотир олма. Фақат Конорга реванш беринг ва кейин нима бўлишини ўзингиз кўрасиз!"

Эслатиб ўтамиз, Диллон Денис Макгрегорнинг яқин дўсти ҳисобланади.