Куни кеча ўзбекистонлик яна бир жангчи Зарруҳ Адашев UFC билан шартнома имзолагани ҳақида хабар берган эдик.
Яхши биласизки, ушбу промоушенда Маҳмуд Муродов ягона ўзбек жангчиси сифатида ўз жангларини ўтказиб келаётган эди. 2 та жангнинг ҳар иккисида ғалабага эришган юртдошимиз ўзининг навбатдаги учрашуви ҳақида маълумот берди.
"Ассалому алейкум! Охирги хабарларни эшитиб, хурсанд бўляпман. Бутун дунёда карантин чоралари юмшатилмоқда ва яқинда авиапарвозлар учун чегаралар очилади. Бу орада мен бўш вақт топиб, машғулотлардан сўнг, кичкина маликам билан очиқ ҳавода сайр қилдим. Яқинда ўз мухлисларимни хушхабар билан хурсанд қиламан, чунки ҳозир биз UFC билан музокаралар олиб бормоқдамиз. Яқин кунларда навбатдаги жанг санаси аниқ бўлади. Қўллаб-қувватлаганингиз учун барчангизга раҳмат.
Ўзингиз ва яқинларингизни асранг," - деб ёзди Муродов ўзининг Instagram саҳифасида.