Мағлубият қимматга тушдими? “Манчестер Сити” Гвардиола ўрнини кимга топширишни ҳал қилди!
- 27-октябр 2025, 06:58
- Zohir Toshxo’jayev
- 0
- Футбол
“Манчестер Сити” раҳбарияти жамоани 2016 йилдан бери бошқариб келаётган Хосеп Гвардиоланинг ўрнига бошқа мутахассис топиб қўйди.
Испаниялик мутахассиснинг клуб билан амалдаги шартномаси 2027 йилнинг ёзигача давом этиши белгиланган. Бу муддат тугаганидан кейин Хосеп Гвардиола Англиядаги мураббийлик фаолиятига нуқта қўяди. Жамоанинг натижаларига қараб, хайрлашиш вақти тезлашиб кетиши ҳам мумкин.
TEAMtalk нашри журналистларининг маълум қилишича, клуб раҳбарияти Хосеп Гвардиоладан кейин жамоани Венсан Компанига топширмоқчи. Бельгиялик мутахассис ҳозир Бундеслига чемпиони “Бавария”да муваффақиятли ишлаяпти.
Мюнхенликлар жамоани чемпионлик йўлига қайтарган Компани билан ҳамкорлик муддатини 2029 йилнинг 30 июнигача узайтирди. Шунга қарамай, “шаҳарликлар” Венсанни яна Манчестерга қайтармоқчи.
Маълумки, Венсан Компани футболчилик даврида “Манчестер Сити” сардори бўлган ва фаолиятини якунлаганидан кейин Хосеп Гвардиола штабида ишлаб, мураббийлик сир-асрорларини ўрганган.