Мадримовнинг бўлажак рақиби дунёнинг энг зўр боксчиси деб топилди!
- 13-июл 2024, 10:09
- Baxtiyorjon Toshtemirov
- 0
- Бокс
Уч вазн тоифасида жаҳон чемпиони ва поунд-фор-поунд рейтинги етакчиси америкалик Теренс Кроуфорд ESPY талқинига кўра йилнинг энг яхши боксчиси деб топилди.
Мукофотга шунингдек Александр Усик, Наоя Иноуэ ва Сеньеса Эстрада ҳам номзод сифатида кўрсатилган эди.
Теренс Кроуфорд 36 ёшда. У енгил вазн тоифасида собиқ чемпион (61,2 кг гача), шунингдек, биринчи ярим ўрта вазн тоифасида мутлақ чемпион (63,5 кг гача) ҳисобланади.
2023 йил 30 июль куни Кроуфорд ҳамюрти Эррол Спенсни тўққизинчи раунднинг бошидаёқ тўхтатиб, ярим ўрта вазн тоифасида (66,7 кг гача) мутлақ чемпионликни қўлга киритган эди. Умуман олганда, америкалик боксчи фаолияти давомида 40 та ғалабага (31 та нокаут билан) эришган ва битта ҳам жангда мағлуб бўлмаган.
3 август куни Теренс WBA йўналиши бўйича жаҳон чемпиони ва WBO йўналиши бўйича ўрта вазн тоифасидаги чемпионлик унвони учун жанг қилади. Унинг рақиби ҳамюртимиз Исроил Мадримов бўлади.