Мадримов - Кроуфорд оқшомининг 2-марказий жанги маълум ёхуд "Сникерслар қироли" қайтмоқда

Хабарингиз бор, 3 август куни АҚШнинг Калифорния штати Лос-Анжелес шаҳрида катта профессионал бокс оқшоми ташкил этилади. 

Riyadh Season Card оқшоми ташкилотчилари турнирнинг 2-марказий жангини эълон қилишди. Унда супероғир вазн тоифасида учта йўналиш бўйича  собиқ жаҳон чемпиони, "Сниккерслар қироли" деб аташадиган мексикалик Энди Руис америкалик Жаррелл Миллерга қарши рингга кўтарилади. Маълумки, марказий жанг америкалик мутлақ жаҳон чемпиони Теренс Кроуфорд ҳамда ҳамюртимиз WBA камари соҳиби Исроил Мадримов ўртасида ўтказилади.

Дарвоқе, яқиндагина қон таҳлилида тақиқланган модда аниқланган Миллер Top Rank промоутерлик компанияси мижози ҳисобланади. Жарреллнинг 9 июль куни Жерри Форрестга қарши жангидан аввал топширган тести мусбат натижа берганди. Бундай ҳолат унинг фаолиятида учинчи маротаба содир бўлди.