Луис Энрике ПСЖни ташлаб, зўр клубга ўтмоқчи

“Пари Сен-Жермен”ни илк бор Европа Чемпионлар лигаси ғолибига айлантирган испаниялик бош мураббий Луис Энрике бошқа жамоани бошқаришни кўзлаяпти.

Sport.es сайтининг ёзишича, Луис Энрике яқин келажакда “Барселона”ни яна қабул қилиб олиш истаги борлигини таъкидлаган.

Манбага кўра, 55 ёшли мутахассис ўз юртида ишлаб, фаолият юритишни соғинган.

2023 йили ПСЖда иш бошлаган Энрикенинг парижликлар билан шартномаси 2027 йилнинг ёзигача давом этиши белгиланган. Шу муддат якунлангач, у имкон бўлса, Каталонияга қайтмоқчи.

Тажрибали мураббий  2014-2017 йиллар давомида “Барселона” бош мураббийи бўлган. Унинг қўл остида каталонияликлар икки марта Испания чемпиони ва бир бор Европа Чемпионлар лигаси ғолиби бўлган эди.