Лос-Анжелес-2028 ёзги Олимпия ва Паралимпия ўйинларининг ўтказилиш саналари эълон қилинди

2028 йил АҚШнинг Лос-Анжелес шаҳрида бўладиган Олимпия ва Паралимпия ўйинларининг ўтказилиш саналари расман эълон қилинди.

Халқаро Паралимпия қўмитаси расмий сайтининг маълум қилишича, ЛА-28 ёзги Паралимпия ўйинлари 2028 йилнинг 15-27 август кунлари бўлиб ўтади. Олимпия ўйинлари эса 14-30 июль кунлари ўтказилиши белгиланган.

Таъкидлаш керакки, Лос-Анжелес бундан аввал 2 марта Олимпия ўйинларига мезбонлик қилган (1932, 1984), бироқ Паралимпия ўйинлари ушбу шаҳарда биринчи марта ўтказилади.