"Ливерпуль" Вирц учун қанча сумма таклиф қилаётгани маълум бўлди. Лекин "Байер" бундан қониқмаяпти!

"Ливерпуль" клуби "Байер" ярим ҳимоячиси Флориан Вирцни қўлга киритиш учун жиддий ҳаракатга ўтди. "Bild" нашри тарқатган маълумотларга кўра, мерсесайдликлар немис клубига 100 миллион фунт (тақрибан 117 миллион евро) миқдоридаги кафолатланган пул таклиф қилган. 

Шунингдек, 10–12 миллион фунт миқдорида бонуслар ҳам режалаштирилган. Умумий трансфер сумма 130–133 миллион евродан ошиши мумкин.

Шу билан бирга, "Байер" 21 ёшли футболчи учун 150 миллион евро талаб қилмоқда. Аммо томонлар ўртасидаги фарқ катта эмас ва яқин вақт ичида келишувга эришилиши мумкинлиги айтилмоқда.

Эслатиб ўтамиз, Вирц жорий мавсумда Бундеслиганинг энг ёрқин юлдузларидан бирига айланди.