“Ливерпуль” ва Англия термасида ўйнаган машҳур ҳужумчиси беш йилга қамалиши мумкин

“Ливерпуль” клуби ва Англия терма жамоасининг собиқ ҳужумчиси Энди Кэрролл аёл кишини таъқиб қилишни тақиқловчи қарорни бузгани учун беш йилгача озодликдан маҳрум этилиши мумкин. Илгари у айнан шу аёлга нисбатан зўрлашга уриниш гумони билан қўлга олинган эди. Бу ҳақда The Guardian газетаси хабар бермоқда.

- Эссекс графлиги полицияси маълум қилишича, таъқиб қилиш тақиқини бузганлик учун жазо жаримадан тортиб, энг оғир ҳолатларда беш йилгача озодликдан маҳрум этишгача етиши мумкин, - дейилади The Guardian газетаси сайтида.

Кэрролл апрель ойида зўрлашга уриниш гумони билан ҳибсга олинган ва 2026 йил февраль ойигача шартларга риоя қилиш шарти билан гаров эвазига қўйиб юборилган эди. Қайд этилишича, у мазкур шартларни бузган ва жабрланувчини таъқиб қилишни давом эттирган. Иш бўйича биринчи суд мажлиси 30 декабрь куни Челмсфорд магистрат судида бўлиб ўтади.

Июнь ойида Кэрролл 2024 йил сентябрида шартнома имзолаган Франциянинг “Бордо” клубини тарк этди. Ўтган мавсумда у клуб сафида 23 та ўйинда 11 та гол урганди.

Сўнгги ярим йил давомида эса англиялик футболчи Англиянинг олтинчи лигасида ўйнайдиган “Дагенхэм энд Редбридж” жамоасида ҳаракат қилди.

Юқорида зикр этилган клублардан ташқари, Кэрролл фаолияти давомида “Амьен”, “Ньюкасл”, “Рединг”, “Вест Хэм” ва “Вест Бромвич” жамоаларидаги ўйинлари билан ҳам танилган.