"Ливерпуль" трансфер бозорини портлатмоқчи
- 12-январ, 17:48
- Улуғбек Хошимов
- 0
- Футбол
Англиянинг "Ливерпуль" клуби жамоани янада кучайтириш мақсадида жиддий трансфер устида ишламоқчи.
Гап "Реал Мадрид" хавбеги Жуд Беллингем ҳақида кетмоқда. Жуднинг "қаймоқранглилар"дан кетиши ҳақида миш-мишлар кўпайиб боряпти. Бир неча кун аввал англиялик футболчини Лондоннинг "Челси" клуби сотиб олмоқчи экани ҳақида хабарлар тарқалган эди. Энди эса Премьер-лиганинг бошқа гранди "Ливерпуль" 180 миллион евро эвазига Беллингемни сотиб олишга тайёр эканини маълум қилган. Бундай трансфер билан мерсисайдликлар трансферлар бозорини портлатиб юбориши табиий. 22 ёшли футболчи 2023 йилнинг ёзида Мадрид клуби сафига келиб қўшилган эди. Унинг амалдаги шартномаси 2029 йилнинг ёзида якунига етади.
Маълумот учун, хавбек жорий мавсумда умумий 23та ўйинда майдонга тушиб, 5та гол урган ва 4та голли узатмани амалга оширган.