"Ливерпуль" мураббийи Арне Слотда жамоа ҳолатини ўнглаш ва ишни сақлаб қолиш учун ҳали вақт бор. "Ливерпуль" Арна Слотни мураббийлик курсидан бўшатиши мумкин. Мерсисайдликлар нидерландиялик мутахассис бажариши керак бўлган шартларни белгилаб олишди, деб хабар беради Николо Скира.
Клуб раҳбарияти "қизиллар" келаси мавсумда Чемпионлар лигасига чиқа олмаса, Слотни ишдан бўшатади. Ёки нидерландиялик мураббий бошчилигидаги жамоа жорий мавсумда бирорта турнирда ғалаба қозона олмаса.
Клуб ҳозирги мураббийга ўринбосар танлаш масаласини ҳал қилиб бўлган. Агар Слот истеъфога чиқарилса, "Ливерпуль" 2026 йил январида "Реал"ни тарк этган испаниялик мураббий Хаби Алонсони жамоани бошқаришга таклиф қилади.
Эслатиб ўтамиз, айни дамда "Ливерпуль" АПЛ турнир жадвалида олтинчи ўринда бормоқда. Шунингдек, Слот жамоаси Англия кубоги ва Чемпионлар лигаси учун курашиш имкониятига эга.