“Ливерпуль” клубнинг 132 йиллик тарихида бу ишга биринчи бор қўл урди

Англия Премьер-лигасининг 15-тур кечиктирилган учрашувида чемпионат пешқадам “Ливерпуль” сафарда “Эвертон” меҳмони бўлди.

Бу баҳсда “Ливерпуль”нинг 132 йиллик тарихида кузатилмаган воқеа юз берди. Opta статистика марказининг маълум қилишича, бу жамоа мураббийлар штаби илк бор бошланғич таркибга бирорта англиялик футболчини киритмади.

Арне Слот “Эвертон”га қарши қуйидаги футболчиларни илк дақиқалардан майдонга туширди:

Бекер (Бразилия), Брэдли (Шимолий Ирландия), ван Дейк (Нидерландия), Конате (Франция), Робертсон (Шотландия), Гравенберх (Нидерландия), Мак Аллистер (Аргентина), Собослаи (Венгрия), Диас (Колумбия), Гакпо (Нидерландия), Салоҳ (Миср).

Катта жанжал билан тугаган Ливерпуль дербисида жамоалар биттадан очкони бўлишиб олди – 2:2.