"Ливерпуль" дебютант майдонида очко йўқотди

Англия Премьер-лигаси 12-туридан ўрин олган учрашувлар ўтказилмоқда. "Крейвен Коттеж" стадионида кечган баҳсда "Фулхэм" турнир жадвали пешқадамларидан бири "Ливерпуль"ни қабул қилди. Беллашув 1:1 ҳисобидаги дуранг билан якунланди.

Ҳисобни, кутилмаганда, мезбонлар очди. Бобби Декордова-Риднинг жарима майдони ичидан йўллаган кучли зарбасини Алиссон қайтара олмади. Мерсисайдликлар тарози паллаларини тенглаштиришга бироз қийналди. 79-дақиқада Салаҳ пенальтини аниқ амалга ошириб, жамоасига 1 очко тақдим этди.

Ушбу натижадан кейин ҳар икки жамоанинг ҳам турнир жадвалидаги ўрни ўзгармади. "Ливерпуль" 2-ўринда қолган бўлса, "Фулхэм" ҳамон 17-ўринда жойлашган.

{online}3411462{/online}