"Ливерпуль" бош мураббийи Исакнинг ҳолати ҳақида гапирди

"Ливерпуль" ҳужумчиси Александер Исак оёғидан олган жароҳати сабаб бир неча ой майдонга туша олмайди, дея хабар берди жамоа бош мураббийи Арне Слот.

Ҳужумчи Англия чемпионатининг 17-тури доирасида "Тоттенxэм"га қарши (2:1) ўйинда Мики ван де Вен билан тўқнашувдан сўнг майдонни эрта тарк этишга мажбур бўлганди.

— Бу узоқ тикланиш бўлади. У бир неча ой ўтказиб юборади. Бу ҳам у учун, ҳам биз учун жуда катта, жуда катта умидсизлик, — дея Слотнинг сўзларини Liverpool Echo нашри келтиради.

Маълумот учун, ҳужумчи жорий мавсум АПЛда 10 та ўйинда майдонга тушиб, 2 та гол урган.