"Ливерпуль" АПЛдаги кетма-кет 4 та дурангдан сўнг мағлубиятга учради

Англия Премьер-лигасининг 23-турида Арне Слот бошқарувидаги "Ливерпуль" сафарда "Борнмут" билан куч синашиб, 3:2 ҳисобида имкониятни бой берди.
 
Дастлаб, тўқнашувнинг 26-дақиқасида Эванилсон ван Дейкнинг хатосидан сўнг ҳисобни очди. Орадан 7 дақиқа ўтиб эса Алекс Хименес жамоасининг иккинчи голига муаллифлик қилди. Биринчи бўлимга қўшиб берилган дақиқаларда мерсисайдликлар сардори ва Нидерландиялик ҳимоячи Виржил ван Дейк ҳисобни қисқартирди. 80-дақиқага келиб Доминик Собослаи жарима зарбасидан чиройли гол уриб, жамоасини мағлубиятдан қутқариб қолаётган эди, лекин 90+5-дақиқада Амин Адли гол киритган ҳолда, мезбонларга ғалабани тақдим этди.
 
Маълумот ўрнида, "Ливерпуль" ушбу беллашувдан сўнг 36 очко билан 4-ўринда қолмоқда.