Лига 1. ПСЖ қийинчиликсиз "Мец"ни мағлуб этиб, пешқадамга айланди

Лига 1’нинг 23-туридан ўрин олган баҳсда ПСЖ ўз майдонида "Мец"ни қабул қилди ва йирик 3:0 ҳисобида ғалаба қозонди.

Дастлаб, учрашувнинг 3-дақиқасидаёқ Дуэ ҳисобни очган бўлса, Барколя биринчи бўлимга қўшиб берилган дақиқаларда фарқни иккитага оширди. 77-дақиқада эса Гонсало Рамуш ҳам ўз номини таблога ёздириб, жамоасининг учинчи голига муаллифлик қилди.

Шу тариқа, Луис Энрике шогирдларининг очколари сони 54 тага етди ва парижликлар турнир жадвалида пешқадамга айланди.