Либертадорес кубоги финали яна бошқа мамлакатга кўчирилиши мумкин
- 1-ноябр 2019, 15:47
- Baxtiyorjon Toshtemirov
- 0
- Футбол
КОНМЕБОЛ яна Либертадорес кубоги финалини ўтказишда муаммоларга дуч келмоқда.
Associated Press нашри тарқатган хабарга кўра "Фламенго" ва "Ривер Плейт" жамоалари ўртасидаги ҳал қилувчи беллашув Чилидаги сиёсий тартибсизликлар сабаб бошқа давлатга кўчирилиши мумкин. Таъкидлаш керакки, бундан бир неча кун муқаддам Чили футбол федерацияси оммавий намойишлар сабаб мамлакат худудидаги барча футбол мусобақаларини номаълум муддатга қолдирган эди.
Эслатиб ўтамиз, Либертадорес кубоги 23 ноябрь куни Чили пойтахти Сантьягодаги Миллий стадионда ўтказилиши белгилаб қўйилган эди.
Маълумот учун, ўтган мавсум "Ривер Плейт" ва "Бока Хуниорс" жамоалари ўртасидаги Либертадорес кубоги финали жавоб ўйини мухлисларнинг рақиб жамоа автобусига ҳужум қилишгани сабаб Мадриддаги "Сантьяго Бернабеу" стадионига кўчирилган эди.