Левандовски Мадрид суперклубига ўтиб кетиши мумкин
- 25-ноябр 2025, 06:46
- Zohir Toshxo’jayev
- 0
- Футбол
“Барселона” блан амалдаги шартномаси якунланиб бораётган 37 ёшли Роберт Левандовскида фаолиятини Испания чемпионатида давом эттириш имконияти пайдо бўлди.
Каталония клуби раҳбарияти польшалик ўйинчига янги шартномани таклиф қилмайди. Роберт ўзига янги жамоа топишига тўғри келади.
Левандовскига Мадриднинг “Атлетико” жамоаси қизиқяпти. Жамоа бош мураббийи Диего Симеоне польшалик форварднинг жанговар руҳини ва тактик тузилмани бузмасдан дарҳол натижаларга эришиш қобилиятини қадрлайди.
“Атлетико”нинг спорт директори унинг шартномавий ҳолатини диққат билан кузатиб бормоқда. Мадридликларнинг фикрича, уни эркин агент сифатида имзолаш Давид Вилья ва Луис Суарес билан тузилган келишувларга ўхшаш бўлади.
Польшадаги манбалар Левандовски Испаниядаги фаолиятини давом эттириш учун мўътадилроқ маошга рози бўлиши мумкинлигини ва мана шу омилни ҳисобга олган ҳолда, “Атлетико Мадрид”нинг трансферни амалга ошириш эҳтимоли юқори эканини таъкидламоқда.