Левандовски “Барселона”даги келажаги бўйича қарорини айтди
- 9-март, 05:32
- Zohir Toshxo’jayev
- 0
- Футбол
“Барселона”нинг 37 ёшли ҳужумчиси Роберт Левандовски жорий мавсум охирида клуб билан шартномаси якунланишини фонида ўз келажаги ҳақида фикр билдирди.
- Келажакда нима қилишимни ҳал қилиш учун ўзимга тахминан уч ой вақт бераман. “Барселона” бизга керакли барча шароитларни беради ва менинг оилам ҳам, мен ҳам бу ерда ўзимизни жуда қулай ҳис қиламиз, - деди Левандовски Sky Sports нашрига берган интервьюсида.
Польшалик ҳужумчи ушбу мавсумда у 32 та ўйинда иштирок этиб, 14 та гол урди ва битта голли узатма берди.
“Барселона” катта маош олаётган тўпурарга муносиб ўринбосар қидирмоқда. Левандовски Каталонияда қолиш учун эса, маошининг катта қисмидан воз кечиб, янги шартнома имзолашга тайёрлигини билдирган.
Бироқ томонлар ҳали ҳал қилувчи музокараларга киришгани йўқ.