"Лацио" ҳимоячиси Романьоли "Торино"га қарши ўйинда бурнини синдириб олган!

Кеча А Серия 6-тури доирасида "Лацио" ўз уйида "Торино" билан куч синашди. Ушбу ўйинда римликлар 2:0 ҳисобида зафар қучди. 

Аҳамиятлиси, ўша беллашувда "бургутлар" ҳимоячиси Алессио Романьоли бурнини синдириб олгани маълум бўлди. 28 ёшли футболчига учрашувдан сўнг бурун синиши ташхиси қўйилган. Алессио аллақачон даволанишни бошлаб юборган ва у ҳар куни тиббий кўрикдан ўтиши кераклиги айтиб ўтилган.

Маълумот ўрнида, "Лацио" навбатдаги ўйинини эртага сафарда Романьолининг собиқ жамоаси "Милан"га қарши ўтказади. Ҳозирда Маурицио Сарри шогирдлари А Серияда 7 очко билан 12-поғонани банд этган.