Лапорта Мессига “Барса” эшигини очди
- 19-март, 20:34
- Zohir Toshxo’jayev
- 0
- Футбол
“Барселона” президентлигига қайта сайланган Жоан Лапорта клуб афсонасига айланган Лионель Мессининг Каталонияга қайтиши борасида фикр билдирди.
- Лео ҳар доим “Барселона” билан ўзи хоҳлаган тарзда боғлиқ бўлиб қолади. Агар у “Барселона” каби ижтимоий институтнинг буюклигини янада оширишга қарор қилса, клуб эшиклари у учун доимо очиқ, - деди Лапорта TV3 телеканалига берган интервьюсида.
Эслатиб ўтамиз, Лионель Месси саккиз карра “Олтин тўп” соҳиби, шунингдек Аргентина миллий жамоаси таркибида жаҳон чемпиони ҳисобланади.
“Барселона” сафида ўйнаган вақтда Месси тўрт марта Чемпионлар лигасида ва ўн марта Испания чемпионатида ғалаба қозонган. Лионель 2021 йилда “Барселона”ни тарк этган. Ўшанда Жоан Лапорта Мессига берилган шартномани қайтиб олган эди. Ўундан кейин томонлар муносабатида совуқлик юзага келган.
Месси қадрдон клубини тарк этиб, икки мавсум ПСЖда ўйнашига тўғри келди. 2023 йилнинг ёзида эса, аргентиналик юлдуз АҚШнинг “Интер Майами” жамоасига сафига қўшилди ва ҳозир ҳам шу ерда ўйнаяпти.
Лапорта навбатдаги сайловларда ғолиб чиққанидан кейи “Барселона” клубини 2031 йилгача бошқарадиган бўлди.