Куртуа "Реал"нинг украиналик посбони ҳақида нималар деди?

"Реал" клубининг асосий дарвозабони Тибо Куртуа украиналик ҳамкасби Андрей Лунин ҳақида ўз фикрини билдириб ўтди.

“Бу келажаги порлоқ ажойиб дарвозабон. У яхши шуғулланади. Ишонаманки, у берилган имкониятдан унумли фойдаланади ва ўзини яхши кўрсата олади. Мен у билан рақобатга тайёр туришим керак”, - деди бельгиялик посбон.

28 ёшли Куртуа жорий мавсум “Реал” сафида 5 та ўйинда майдонга тушди ва ўз дарвозасидан 3 та гол ўтказиб юборди.