Кураш миллий спорти ривожлантирилади
- 5-январ 2025, 17:22
- Jahongir Inomjonov
- 0
- Ўзбек спорти
Кураш миллий спорти янада ривожлантирилади. Бу ҳақда Спорт Вазирлиги хабар берди.
“Кураш миллий спорт турини ривожлантириш ва оммалаштиришни янги босқичга олиб чиқиш чора- тадбирлари тўғрисида”ги Президент Қарорига (ПҚ-450-сон, 20.12.2024 й.) мувофиқ:
Халқаро даражадаги малакали мураббийлар ва ҳакамларни тайёрлаш йўлга қўйилиб, уларни қайта тайёрлаш ва малакасини ошириб бориш тизими жорий этилади;
Кураш миллий спорт тури бўйича илмий-тадқиқот лойиҳалари амалга ошириб борилади;
“Йил курашчиси”, “Йил мураббийи” ва “Йил ҳаками” номинациялари бўйича республика танловлари ташкил этилади;
2026-йилдан бошлаб ўзбек, инглиз ва рус тилларидаги “КУРАШ” номли илмий-оммабоп электрон журнали чоп этилади.
Тошкент шаҳри, Олмазор тумани, Талабалар кўчасида Кураш миллий спорт маркази барпо этилади.